એક ફેસબુક મિત્રને ઓપરેશન કરાવવું છે

એક ફેસબુક મિત્રની મારા પર પોસ્ટ આવી છે અને મારી મદદ માંગી છે જે કંઇક આ મુજબ છે...

ગાંઠ શેરડીમાં, ત્યા રસ ન મળ્યા
ગાંઠ દોરામાં, એ સૉયમાં પરોવાઈ ન શકાયો.
ગાંઠ ગળામાં, એ તંદુરસ્ત ન રહી શક્યો.
ગાંઠ રુમાલ માં, એ કાંઈ ઝીલી ના શક્યો.
મારા મનને મેં તપાસ્યું છે.
ત્યાં મને વ્યક્તીઓ પ્રત્યે બંધાઈ ગયેલ દુશ્મનાવટની પુષ્કળ ગાંઠો દેખાઈ છે.
તાત્કાલિક મારે આ તમામ ગાંઠોનું ઓપેરશન કરાવી લેવું છે.

કારણ કે આ ગાંઠોએ જ મારા જીવનને
રસહીન ધર્મહીન અને ઉત્સાહહીન કરી નાખ્યું છે.
ઓપેરશન કરી શકનાર ડોકટરનું સરનામું જોઈયે છે.

મિત્ર .... મારે ફક્ત એટલું જ કહેવું છે.... કે આવી ગાંઠ ના ઓપેરેશન પોતે જાતે જ કરવા પડશે... બાકી...... દોસ્ત મારે તો એટલું જ કહેવાનું કે માનવીએ પંખીની માફક ઉડતા શીખી લીધું છે, અને માછલી માફક તરતાં પણ, બસ હવે તેને જે શીખવાનું છે તે માનવી માફક જીવતાં....