Maths of Life : જીવનનું ગણિત થોડું મેળવી લઈએ

પગથીયું ચઢ્યા પહેલું જીવનનું ત્યારે,
લક્ષ્ય હતું કૈક મેળવવાનું ,
કરવાનું હતું શું અને કર્યું શું ,
....આજે એનું ગણિત થોડું મેળવી લઈએ

રીતો હતી સરળ જ જીવવાની 
તેમાં ગુચવણ ઉભી કરી આપણે જ
હવે તે ગુચવણ ઉકેલવામાં 
....થોડોક સમય ફાળવી લઈએ

છોડી નહિ એક પણ તક,
બીજાને નીચા જોવડાવાની
સામે ખુદ કેટલા પાણીમાં છીએ 
....એનું માપ... એકવાર જ બસ કાઢી લઈએ

તોડી અને તોડવી ઘણી,
બંધાયેલી હતી જે પ્રેમ ની ગાંઠો 
આ.. લો, એ તૂટેલા તાંતણાંઓ,
....ફરી પાછા સીવી લઈએ

તડકો અને છાયો ,ખુશી ને ગમ,
ક્રમ છે આ તો જગત નો
તો સુખ હોય કે દુખ હમેશા,
....હસવાની તાલીમ કેળવી લઈએ

હું જ સાચો, હું જ બરાબર,
એવી ઘણી માન્યતાઓ આપણી,
તોડીને તે સૌ આપણી જાતને 
...બીજા સાથે ભેળવી લઈએ

માણસને વિસરીને આપણે,
રહ્યા સ્વાર્થમાં જ જીવનભર,
સ્વાર્થ ભૂલી એકવાર હવે,
....જરા ઇન્સાન બનીને જીવી લઈએ ..............